星期三開跑時間:21:45谷草1200米

第七場      1       神水之滴　　

獨贏2.8倍         位置1.3倍

向來開季甚少即刻搶攻的蔡約翰，繼9月尾起孖後，旗下馬有不少已操好上力，剛田草賽事更有「美麗笑聲」熱身再出順利補中，相信此情況陸續有來，今次谷草夜賽，列陣第7場的「神之水滴」作季內第3戰，同樣有力勝回一仗。

「神之水滴」前仗復出跑田草1200米，排13檔大敗而回，但翌仗轉攻谷草1200米，趁有熱身之利，加上排5檔好位，即取得亞軍表現進步。查此駒上季曾多次進攻谷草，卻只得上名未勝，但蔡約翰似乎沒有懷疑自己判斷，上仗安排馬匹強配潘頓已是出擊信號，今次再攻谷草1200米，加上馬匹經過兩仗熱身，有望愈戰愈勇，大家可秤高此駒機會。形勢方面，「神之水滴」有運排2檔起步，檔位比起上仗更佳，繼續強配潘頓上陣，此對人馬合作兩次獲1亞1季全上名，發揮信得過，值得一提，今次蔡廐有3匹馬用潘頓，雷神缺陣後呢對騎練合作趨緊密，早前已有「自勝者強」贏過馬，各位要睇實了。

星期三開跑時間:22:15谷草1200米

第八場      7      三劍俠　

獨贏7.1倍         位置3.0倍

星期三開跑時間:22:50谷草1200米

第九場      11      亞洲藤王　

獨贏5.4倍         位置2.3倍

黎昭昇今季在港開倉，早已表明部署不會心急，待旗下馬抖夠操好才跑，但竟然遲至今次10月第2期賽事才派馬上陣，的確令人意外，也反映此位4屆新西蘭冠軍練馬師膽色過人！今回所派3駒，「淺草飛」、「富存大師」及「亞洲籐王」同樣試過兩次大閘，操好即攻可以放心捧場，「練馬師王」有分頭也可以一博。

第2場五班1200米，7歲澳洲自購馬「淺草飛」來港後未贏過，但本身曾在三班泥地跑入亞軍，底質不差，隨住減分已多，轉黎廐後換上另一套工夫，養好健康才操，即使以往谷草3戰全敗，今回初落五班進攻谷草，黎廐首匹上陣馬必盡拚。

「淺草飛」本身有傷患底子，6月尾轉黎廐後抖到8月初才復課，8月尾展開快跳後，工夫一直增加，9月13日及23日短短日子試了兩課泥閘，跑得第4及第3名，走勢確實甚有活力，重拾新鮮感下有望在五班谷草取得突破。

第5場五班1200米，同樣是最低班賽事，6歲「富存大師」前季贏過四班田草，之後表現愈來愈沉，以往僅跑過谷草一次，或因此黎昭昇安排此駒試完泥閘後再試谷閘才跑，於谷閘1000米得第4名，表現不俗，一於睇睇今次會否復出即變身。

第9場四班1200米，5歲的「亞洲籐王」上季出道只跑過6仗，用得不多，但已曾於田草上名及多次跑近，在黎廐今次所派3駒中，有最大進步空間。最近兩次試閘俱見好走勢，狀態操起晒，初出即有拚勝本錢。