星期三開跑時間:20:45谷草1200米

第四場      8       晉神　　

獨贏5.5倍         位置2.2倍

除了黎昭昇仍未派馬出賽，現時未開齋馬房只剩葉楚航，但其實葉廐於開鑼日已有2駒上名，至今共取3亞2季成績，今次谷草夜賽派7駒列陣，決心非輕，當中「晉神」及「紅旺」俱於上仗跑獲季軍，走勢強勁，熱身後操足而臨，狀態有望進步，一於追捧葉廐馬！

第4場四班1200米，「晉神」向來擅跑同程，上仗作季內首戰得季軍，同場頭馬「紫雲冰」走勢超強，今次將列陣第7場爭取連捷。至於亞軍「杭州飛輪」，本身班底可恃，只是因傷患影響表現，抖暑後蓄銳回勇，「晉神」僅敗於「紫雲冰」半個馬位，以及與「杭州飛輪」鬥得旗鼓相當，論表現已相當出色。

既然「晉神」季初狀態夠勇，今次與上仗相隔兩周再跑，期間即使未有快跳，卻足足有7課踱步，狀態有望起得更好。況且「晉神」上季4度上名未勝，肯定交代心切，可把握勇態勝回一仗。

第6場三班1200米，「紅旺」本身跑法主動，剛戰復出縮程競逐田草1200米，憑內檔之利拚得一席季軍。留意此駒上季9月復出同樣得季軍，再出跑獲亞軍，可見擅長季初搶攻。加上「紅旺」前季試過連續6戰跑入三甲，狀態一起往往可愈戰愈勇，既然「紅旺」已熱身開氣，今回轉爭谷草同樣有力拚勝，值得吼實。

第五場      9       明駿福星　　

獨贏9.9倍         位置3.5倍

波仔半年未贏過蔡廐馬 今次要多謝安仔？

一係唔開齋，一開齋就起個孖！講嘅係蔡約翰，今季頭4次賽事，蔡廐馬都係平平無奇，只得3亞2季未贏馬，不過呢位倉主咁有實力，馬迷當然唔擔心佢，果然到剛周日沙田賽事，蔡神仙返來喇，練者先憑初出新貴「魅力知遇」攻陷四班1200米短途，為馬房打破缺口，之後輪到明星戰駒「自勝者強」成大熱保衞者，以2.1倍擂台躉身份取下服役第3W，蔡約翰當日以28分首度登上「練馬師王」，氣勢重現！

另外，近日莫雷拉、田泰安缺陣，好多騎師都等上位，睇番今次谷戰，蔡廐出馬5駒，唔少機會突出，波健士、嘉里及巴度都得到蔡約翰提供坐騎，尤其波健士上季與蔡約翰合作交出13W，曾經是練者愛將，大家可以留意呢對半年冇合作贏馬騎練。

先講第5場的「明駿福星」，上仗復出即在四班谷草1200得一席第3名，狀態不俗，而本身最佳成績亦是在同程取得亞軍，熱身後再攻此程，由波健士接手，排11檔也要留意。

至於第4場蔡廐出兩駒，「過河勁卒」落班續配波健士，提防變身。另一匹「鄉村之寶」上季兩次在田草放入前5名，速度上乘，上仗復出跑田草排12檔起步，沿途被頂在外疊，敗不作準，今次初跑谷草，或可將本身長處盡情發揮。同父馬「冠寶駒」及「陽明冠爵」亦曾在谷草獲勝，今次「鄉村之寶」換上季內未贏的嘉里，怕且騎者可憑此駒取得首捷了。

嘉里尚策騎出戰第6場三班1200米的「張燈結綵」，此駒已熱身一仗，隔兩周再跑有快跳工夫，有望重拾威力。本身跑法留前鬥後，上季試過同程排10檔贏馬，有力再後上拚勝。

第七場      4       多利神駒　　

獨贏9.5倍         位置3.5倍

谷11連勝希威森+13屆冠軍韋達！

韋達開季谷草攻勢凌厲，兩期夜賽摘下3W，愛將希威森儼如主帥身份，一手包辦所有頭馬，而騎者於谷草搏殺特別準繩，跨季至今跑馬地夜賽更係11連勝，今期騎練再度攜手合作5駒，韋達知人善任，必圖乘勝追擊，期望可首度成為「練馬師王」。

綜觀一對南非騎練合作馬匹之中，力爭跨季孖寶的「多利神駒」，上季谷草煞科夜戰跑1200米，贏馬過程有餘未盡，輕鬆擊敗之前兩勝的當銳馬「越駿知己」，賽績極之有睇頭，原裝人馬伺準強項復出，巴西馬成熟程度再進一步，毋懼強手依然秤先。

韋達、希威森另一合作的「勝出魅力」，雖屬韋廐最低分一匹，但卻並非全無戰鬥力，五班鐵馬多次排外榜拚入前列，上季由希威森接手即勝，再跑兩仗亦獲1季1殿，人馬合拍，谷草一哩亦視之為最佳出路。

至於「各取所需」，希威森策騎亦已駕輕就熟，上場快放至臨門力弱，就當一課快工夫，熱身省完戰鬥力大幅提升。此外，騎者重新接手之「奇妙年華」與「三江飛輪」，兩匹G布馬表現漸入佳境，「奇妙年華」近兩仗谷草獲1冠1亞，而「三江飛輪」高分PP減分已多，兩駒踏入新季收成期，勢將成為馬房搶攻先頭部隊。今次韋廐馬陣容鼎盛，睇吓希威森幫手贏到幾多W了。