第五場12精算赤焰

獨贏 6.1倍      位置3.0倍

今次谷草夜賽有多達21駒作季內第2戰，其中第5場蔡廐「精算赤焰」上周三跑獲亞軍走勢甚勇，熱身後有權進步，信其可補中！

今次谷戰，大家看好哪匹已熱身馬可以進步贏馬？

蔡約翰所派3駒中，就有「神之水滴」及「精算赤焰」已於今季上陣，第5場「精算赤焰」在上周三跑谷草1000米，排1檔起步，計前速只屬普通，沿欄慳位靠追拚得亞軍，走勢頗勇，今次用王牌增程跑1200米，有助早段跟牢，上季曾在谷草1200米上名，路程有根據，熱身後有望衝刺更強，有力坐正。

至於第7場「神之水滴」，於開鑼日跑田草1200米得第12名，敗後即安排轉戰谷草，上仗表現應嚇怕不少人，但今次蔡約翰找來潘頓替此駒執韁，誠意十足，加上騎者今季演出勁勇，可助此駒變身。

另外，第3場有5駒熱身後再來，其中「令才」、「想見你」及「靚蝦女」於上周三同場跑谷草四班1000米，結果3駒順序跑獲冠亞殿，「令才」用快放戰略一氣呵成頂到底，亦助伍鵬志取得開倉後首捷，今改配周俊樂肯搶走隨時又贏先機，有力贏完再贏。

沈廐「想見你」上仗早段被「令才」搶過，最後僅追不切，論走勢仍勇，今次潘頓再騎反映對此駒重視，排3檔形勢甚靚，不妨考慮捧Q及QP。

第六場4健康在望

獨贏7倍      位置2.3倍

知遇之恩！神鞭輝要幫老苗贏馬！

今季再度來港客串的巴西騎師蘇兆輝，綻放耀眼光芒，首日即憑「金鑽貴人」勇奪特首盃，之後谷草開鑼夜賽再夥拍鄭俊偉的「勁叻仔」捧埋公益金盃，到剛周日神鞭輝力戰多場後食出尾胡，在廠商會88周年紀念盃日，幫廠商會會長史立德名下馬「一先生」打開勝門，騎者狀態確是大勇。

今次跑馬地夜賽，蘇兆輝更多一項優良數據，原來自2020年1月8日起，5戰谷草例有馬贏，頭馬分別為「大師級」、「開心好友」、「活力名駒」、「善傳千里」、「金碧輝煌」及「勁叻仔」，周三晚此位巴西戰將坐擁多匹實力坐騎，睇吓可唔可以再成為「谷夜守護者」？

過往與蘇兆輝合作愉快的南非倉主苗禮德，暑期已明言會支持騎者，雖然季內兩位尚未合作建功，但今次合作「噴火龍」、「健康在望」及「簹多福」3駒，後兩駒由蘇兆輝親試大閘，值得格外重視。列陣第6場三班1650米的「健康在望」，上季多番與「百勝名駒」、「合約精神」、「焱焱元帥」等盛年馬對陣上名，只是銳氣有所不及未能獲勝，7歲馬趁季初操足而來，可期交出最高戰鬥力。

列陣第7場三班1200米的「簹多福」，在港唯一勝仗正是在同班同程，當時評65分擊敗再出補中的「勇創派對」，賽績絕對見得人。之後狀態回落，致使連續7戰敗陣，現時評分64分，比起勝時尚低1分，暑期抖夠重新做工夫，強配硬功蘇兆輝，擺明車馬。

究竟蘇兆輝能否成為老苗福將，與練者攜手再入凱旋門？周三晚就有答案。

第八場10蟲草之鳳

獨贏7.3倍      位置2.4倍

呢期輪到威哥做練馬師王？

呂健威上周三憑「純金酒杯」打響今季頭炮，以練者上季跑馬地排名第2贏32W之驕人戰績，相信今季亦會部署在谷草狂攻。首個夜賽開齋之後，今戰繼續派遣一眾谷草精英於福地出擊，有力成為「練馬師王」。

一如上季呂廐馬由威哥好拍檔何澤堯贏馬開齋，騎練默契毋庸置疑，今次練者派出5駒，就有3駒交由「Win神」出戰，肯定有備而來。例如第7場專攻谷草短途的「自力更生」，上季尾因軟顎間歇性移位，大熱敗不足據，休後可期重新展現威力，畢竟前仗於今次路程谷草1200米輕勝，配何澤堯曾兩度上名，人馬合拍捧得過。

至於第1場老黃忠「威進駒」，歇暑期間於從化固本培元，操練卻從未間斷，把握季初強手無多場合，減分已多馬排1檔起步，也有力重開勝門。而第5場「精算其然」於開鑼日已上陣，佔熱身優勢，轉場出擊亦要提防。

此外，第8場配馬雅的「蟲草之凰」，以及第2場配巴度的「歡欣福星」，兩駒均屬呂廐上季重要谷戰頭馬，尤其「蟲草之凰」季尾兩勝谷草一哩，復出恃新鮮感跑1200米亦合發揮，加上馬雅停賽刑滿復出披甲，鬥志可信賴。